Bill delete (Staff PIN ke saath) karne par wo hard-delete nahi hota — Recycle Bin me jata hai. Par REPORTS ke liye wo turant gayab ho jata hai: P&L, Day Book, receivables, GST Liability, doctor revenue — kahin count nahi hota. System archived bills ko default har query se bahar rakhta hai.
Iska matlab do cheezein:
- Agar month-end pe revenue kam lage — Practice → Billing → Recycle Bin zaroor check karo. Ho sakta hai kisi ne bada bill bin me daal diya ho (jaan ke ya galti se). Bin me kis ne kab bheja + kitne din bache — sab dikhta hai.
- Restore karte hi (owner/admin, 30 din ke andar) bill wapas aata hai aur saare reports me numbers turant wapas ginte hain — purani reports dobara chalao to bada number dikhega, ye confusion normal hai.
30 din baad auto-purge; permanent delete sirf owner kar sakta hai aur wo irreversible hai (audit log me record rehta hai).
Aage se roko: bill delete Staff PIN mangta hai isliye kaun-kab ka record banta hai — month-end review me Recycle Bin ka ek round routine banao.